Маусымның 18-20-сы күндері Шардара қаласында 2010-2011 жылы туған жасөспірім ұлдар мен қыздар арасында дзюдодан Түркістан облысының чемпионаты өтті. Ауқымды бәсекеге өңірдің барлық аудандарынан 500-ден астам спортшы қатысып, өзара мықтыны анықтады.
Аталған жарыста Төлеби аудандық №3 балалар мен жасөспірімдер спорт мектебінің дзюдошылары да сәтті өнер көрсетіп, жүлделі орындарды иеленді. Атап айтқанда:
— Алпыс Нұргелді – +73 кг салмақта І орын;
— Балабек Жанбатыр – 55 кг салмақта ІІІ орын иеленді.
Жүлдегер шәкірттеріміз облыстық чемпионатта 1 алтын, 1 қола медаль жеңіп алып, арнайы дипломдармен марапатталды.
Айта кетейік, Алпыс Нұргелді бұған дейін де облыстық және республикалық деңгейде бірнеше жарыстардың жеңімпазы болған тәжірибелі спортшы.
Шәкірттеріміздің осы жетістікке жетуіне үлес қосқан бапкерлері – дзюдо және самбодан халықаралық дәрежедегі спорт шебері Нәбиев Мәдидің, сондай-ақ Абу Мақсат пен Құрмантай Дулаттың еңбегі зор.
Жас спортшыларымызға алдағы ел чемпионатында сәттілік тілейміз!
Н.КЕНБАЕВ,
аудандық №3 балалар мен жасөспірімдер спорт мектебінің әдіскері.
