Құрметті Төлеби ауданының тұрғындары!
Өздеріңіз білетіндей, елімізде былтырғы жылдың көктем мезгілінен бері мемлекет басшысының бастамасымен «Таза Қазақстан» жалпыұлттық экологиялық іс-шарасы іске асырылуда. Бұл бастама жалпы халықтық сипатқа ие болып, осындай игі шаралардың арқасында қоғамда жаңа мәдениет, жаңа қоғамдық этика орнығып келеді.
Туристік аймақтар қатарына енген Төлеби ауданының тазалығы, экологиялық ахуалының жақсаруы біздің бірлескен еңбегімізбен жүзеге асады. Туған жеріміздің әлеуетін арттырып, көркейіп, дамуына баршамыз бірлесе еңбек етуіміз қажет.
Аудан аумағының тазалығы мен көркейту жұмыстарына атсалысу – бұл тек мемлекеттік қызметшілердің ғана емес, әрбір тұрғынның міндеті.
Сіздерді, табиғат жанашырларын жол бойларына, саябақтарға, қоғамдық орындарға қоқыс пен қалдықтарды тастамауға шақырамын. Барлығымыз бірлесе отырып, қоғамда экологиялық мәдениетті қалыптастыруымыз қажет. Табиғаттың тазалығын сақтау біздің азаматтық борышымыз екенін ұмытпаңыздар!
Құрметті аудан тұрғындары!
Біздің басты мақсатымыз – ауданның экономикалық өсімін қамтамасыз ету, инвестиция тарту, жаңа жұмыс орындарын ашу, тұрғындардың өмір сүру деңгейін көтеру. Сондықтан, сенбіліктер мен қоғамдық іс-шараларға белсене қатысып, тазалық мәдениетімізді дамытуымыз қажет.
Осы жолда бірлесіп, аянбай еңбек етуге шақырамын!
