Түркістан облысы Полиция Департаментінің бастығы, полиция генерал-майоры М.Қабденовтың 2025 жылғы 3 наурыздағы №157 ж/қ бұйрығымен полиция полковнигі ҚУАШБАЕВ Ғалымжан Саттарұлы Түркістан облысы ПД Төлеби аудандық полиция бөлімінің бастығы лауазымына тағайындалды.
Ғалымжан Саттарұлы 1979 жылы 15 шілдеде Түркістан облысының Ленгір қаласында дүниеге келген. Ұлты қазақ, білімі жоғары. 1997 жылы Шымкент экономика және құқық колледжін, 2001 жылы Қазақстан Республикасы Ішкі істер министрлігінің Б.Бейсенов атындағы Қарағанды академиясын бухгалтерлік есеп, құқықтану мамандығы бойынша бітірген.
Еңбек жолын 2001 жылы Шымкент қалалық Ішкі істер басқармасы 1-полиция бөлімінде тергеуші болып бастап, 2003-2004 жылдары аға тергеуші, 2004-2006 жылдары аталмыш басқарманың 2-полиция бөлімі тергеу бөлімшесінің бастығы, 2006-2007 жылдары Шымкент қаласындағы Абай аудандық ПД тергеу бөлімінің бастығы болып істеді.
2007-2008 жылдары Оңтүстік Қазақстан облыстық экономикалық және сыбайластық қылмысқа қарсы күрес Департаментінің Темірлан аймағы бойынша бастығының орынбасары, 2008-2012 жылдары Астана қаласындағы Алматы аудандық ПД тергеу бөлімінің бастығы, Ішкі істер бөлімі бастығының орынбасары, 2012-2017 жылдары көліктегі полиция департаменті ақпараттық-талдау орталығы бастығының орынбасары, бастығы, Орал станциясы желілік полиция бөлімінің бастығы, Батыс Қазақстан облыстық ПД криминалдық полиция басқармасының бөлім бастығы, басқарма бастығының орынбасары лауазымдарында қызметін атқарды. 2017-2020 жылдары Оңтүстік Қазақстан облыстық ПД криминалдық іздестіру басқармасы бастығының орынбасары, экстремизмге қарсы күрес және ұйымдасқан қылмысқа қарсы күрес басқармаларының бастығы болды. 2020 жылдың маусым айынан Төлеби аудандық полиция бөлімінің бастығы қызметіне тағайындалғанға дейін Түркістан облысы, Ордабасы аудандық полиция бөлімін басқарды.
«Төлеби-ақпарат».
