23 маусым – Мемлекеттік қызметшілер күніне орай аудандық әкімдіктің үлкен мәжіліс залында салтанатты жиын өтті. Жиынға аудан басшылығы, мәслихат депутаттары және мемлекеттік қызмет саласының мамандары қатысты.
Салтанатты іс-шарада аудан әкімі мемлекеттік қызметкерлерді кәсіби мерекесімен құттықтап, олардың ел дамуына қосып жатқан үлесін ерекше атап өтті.
– Құрметті әріптестер! Сіздерді кәсіби мерекелеріңізбен шын жүректен құттықтаймын. «Сіздерге Жаңа Қазақстан құру ісінде ерекше міндет жүктеледі. Қызметтегі негізгі қағидаттарыңыз – адалдық, кәсібилік, құзыреттілік, ашықтық болуға тиіс. Мемлекеттік қызметшінің басты мақсаты – азаматтардың әл-ауқатын арттыру. Ел үмітін толық ақтайсыздар деп сенемін, – деді аудан басшысы Е.Әлімқұлов.
– Сіздер өз парыздарыңызды адал әрі лайықты орындап, халықтың сенімін ақтап, заңдар мен этиканы қатаң сақтап халыққа қызмет етсеңіздер деймін.
Жиын барысында өңірдің әлеуметтік-экономикалық дамуына үлес қосқан, өз саласында белсенділік танытып жүрген бірқатар қызметкерлер аудан әкімінің және аудандық мәслихат төрағасының Алғыс хаттарымен марапатталды.
Мерекелік басқосу жылы тілектерге, шынайы алғыстарға толы болып, мемлекеттік қызметкерлердің еңбегі еленген күн ретінде есте қалды.
«Төлеби-ақпарат».
