15-16 мамыр күндері Түркістан қаласында робототехникадан «TURKISTAN ROBO CUP 2025» республикалық турнирі өтті. Балалар мен жасөспірімдер арасында өткен жарысқа еліміздің түкпір-түкпірінен келген 130 команда құрамында 300-ге жуық оқушы бақ сынасты. Чемпионатқа қатысушылар робототехника саласындағы заманауи технологиялар, инженерлік дағдылары мен командалық жұмысын көрсетуге мүмкіндік алды.
Чемпионат барысында түрлі конструкциялық шешімдер, инновациялық идеялар мен креативті роботтық жобалар ұсынылды. Қатысушылардың жобалары робототехника мен бағдарламалау салаларындағы тың ізденістер мен техникалық әлеуетті көрсетті. Осы чемпионатқа «Роботтар шайқасы» санаты бойынша қатысқан №7 IT мектеп-лицейінің оқушылары Құттыбай Мансұр мен Диас Рғабай үздік нәтиже көрсетіп,
«Tolеbi Force2» командасы III дәрежелі дипломмен марапатталды! Жүлдегер жас өнертапқыштардың жетекшісі, ұстаздары – М.Нышанбай.
Шара облыстық цифрландыру, мемлекеттік қызметтер көрсету және архивтер басқармасының ұйымдастыруымен өтті.
«Төлеби-ақпарат».
