Төлеби ауданының әкімі Е.Әлімқұловтың 2025 жылғы 6 ақпандағы №51 өкімімен, «Қазақстан Республикасының мемлекеттік қызметі туралы» ҚР Заңының 41-бабына, ҚР Президентінің 2015 жылғы 29 желтоқсандағы №152 Жарлығымен бекітілген Ротация жүргізу қағидалары мен мерзімдері, ротацияға жататын мемлекеттік қызметшілердің санаттары мен лауазымдары туралы қағиданың 17 және 20-тармақтарына сәйкес ЖАНҒАЗИЕВ Бағдатбек Пердебайұлы 2025 жылдың 7 ақпаны күні ротация тәртібімен Төлеби ауданы әкімінің орынбасары лауазымына тағайындалды.
Ол 1984 жылғы 7 ақпанда қазіргі Түркістан облысы Бәйдібек ауданының Шаян ауылында дүниеге келген.
2005 жылы Қазақ-Өзбек инженерлік-гуманитарлық университетін тарих және география пәнінің мұғалімі мамандығы бойынша бітірген.
2006–2007 жылдары Бәйдібек аудандық ішкі саясат бөлімінде жетекші маман, Бәйдібек аудандық мәдениет және тілдерді дамыту бөлімінде бас маман;
2007–2016 жылдары Бәйдібек ауданы әкімі аппаратының бас инспекторы – кадрлық қызмет жетекшісі, Бәйдібек ауданы әкімі аппаратының персоналды басқару бөлімшесінің басшысы;
2016–2017 жылдары Бәйдібек ауданы әкімі аппаратының басшысы;
2017 жылдан бастап Төлеби ауданы әкімінің орынбасары лауазымына тағайындалғанға дейін Бәйдібек ауданы әкімінің орынбасары қызметін атқарып келді.
***
Төлеби ауданы әкімінің орынбасары қызметін 2012 жылдан осы күнге дейін атқарып келген Дүйсебаев Сержан Дауылбайұлы ротация тәртібімен Сайрам ауданы әкімінің орынбасары қызметіне ауысты.
«Төлеби-ақпарат».
