«Қазақстан Республикасының мемлекеттік қызметі туралы» Қазақстан Республикасы Заңы 19-бабының 2-тармағына сәйкес конкурстық комиссияның 2025 жылғы 24 сәуірдегі №2/8 хаттамасы және еңбек шарты негізінде Амалбек Дәркенұлы Өміртай 2025 жылғы 2 мамырдан бастап арнайы тексеруден өткенге дейін бірінші қол қою құқығымен Төлеби ауданы әкімі аппаратының басшысы міндетін уақытша атқарушы болып қабылданды.
Амалбек Дәркенұлы 1994 жылғы 10 сәуірде Шымкент қаласында дүниеге келген. 2015 жылы Әл-Фараби атындағы Қазақ ұлттық университетін әлемдік экономика мамандығы бойынша бітірген, осы оқу орнында магистратурада білім алып, 2017 жылы магистр дәрежесін иеленген.
Еңбек жолын 2015 жылы 10 қыркүйекте «ПетроҚазақстан» АҚ-ның кадр және құжат айналымы бойынша инспекторы болып бастаған.
2017-2023 жылдары ҚР Ұлттық экономика министрлігі Халықаралық ынтымақтастық департаменті интеграциялық бірлестіктермен ынтымақтастық басқармасының сарапшысы; Алматы мемлекеттік сервис және технологиялар колледжінде директордың орынбасары, Әл-Фараби атындағы ҚазҰУ-де оқытушы; «Әлеуметтік-кәсіпкерлік корпорациясы «Түркістан» АҚ-ның «Turkistan Invest» филиалы директорының міндетін атқарушы; Түркістан облысы «Жастар ресурстық орталығы» КММ басшысы; Кентау қаласы әкімі аппаратының басшысы; «Қаратау саяхат» ЖШС атқарушы директоры болып еңбек еткен. 2023 жылғы 1 қыркүйектен Төлеби ауданы әкімі аппараты басшысы қызметіне келгенге дейін Астана қаласындағы «ҚР Ұлттық музейі РМҚК директорының орынбасары қызметін атқарды.
«Төлеби-ақпарат».
