Аудандық білім бөлімінің жоспарына сәйкес аудандағы жалпы білім беретін мектептердегі 8-11-сынып оқушылары арасында аудандық «Мәшһүр Жүсіп оқулары» байқауы өткізілді. Байқауға қатысқан оқушылар философ ақынның рухани мұрасын дәріптеп, әдебиетті, тіл мен өнерді құрмет тұтып, ақынның әдеби-тарихи деректерге толы шығармалары мен фольклорлық жазбаларындағы ұлттың ұлы тұлғаларын таныстырып, 5 бағытта шығармашылық ізденістерін көрсетті.
Нәтижесінде оза шауып, жүзден жүйрік, мыңнан тұлпар шыққан оқушылар облыстық кезеңге жолдама алды. Атап айтқанда:
• 1-бағыт – «Алдыма өлең жаз деп қағаз келген, Сөзімді сөйлеп бақтым мен де білген» атты ақындар мүшайрасында Жаңажол жалпы білім беретін мектебінің 8-сынып оқушысы Молдахмет Сәния;
• 2-бағыт – «Бас болып өнер білсең, тіпті жақсы» атты ғылыми зерттеу жобасы номинациясында Ы.Алтынсарин атындағы жалпы білім беретін мектептің 10-сынып оқушысы Саматқызы Әлия;
• 3-бағыт – «Білімді, зерек адам болам десең, Қара өзіңді басқаның айнасымен» атты эссе жазу номинациясында Қостөбе жалпы білім беретін мектебінің 10-сынып оқушысы Сапар Айша;
• 4-бағыт – «Мәшһүр Жүсіп Көпейұлының фольклорлық мұрасы. Хандар, батырлар» номинациясында Жаңажол жалпы білім беретін мектебінің 8-сынып оқушысы Қадыр Аяна;
• 5-бағыт – «Мәшһүр Жүсіп Көпейұлының фольклорлық мұрасы. Би-шешендер, жырау-ақындар» номинациясында Әңгірата жалпы білім беретін мектебінің 10-сынып оқушысы Исахан Балнұр.
Облыстық кезеңге жолдама алған шәкірттер алдағы жауапты кезеңде де өз білімдерін дәлелдеп, жүлдегерлер қатарынан көрінеді деген үміттеміз.
«Төлеби-ақпарат».
