Былтырғы жылдың қазан айында Төлеби аудандық өзбек мәдени бірлестігінің төрағасы ұзақ науқастан соң өмірден озып, қоғамдық ұйымның жұмысы дағдарып қалғандай күй кешкен болатын. Биылғы көктемнің алғашқы күні аудан аумағындағы өзбек бауырлар бірлестіктің жаңа төрағасын сайлауға Сұлтанрабат жалпы білім беретін мектептің акт залына жиналды.
Түркістан облыстық өзбек мәдени бірлестігі жанындағы Ақсақалдар кеңесінің төрағасы Зуппархан Чалданов бастаған өкілетті топ қатысқан жиналыста төраға орнына Тағайна орта мектебінің директоры Жамол Қадиров пен аудандық мәслихаттың депутаты, кәсіпкер Ділмұрат Омаровтың кандидатурасы ұсынылды.
Кезегімен сөз алған үміткерлер сайлана қалған жағдайда бірлестік атқаратын жұмыстар жайлы жоспарларымен бөлісті. Аудандағы өзбек диаспорасының сайлауға құқы бар әрбір 500 азаматынан іріктелген 44 делегаттың 39-ы жасырын дауыс беріп, олардың 21-і Ж.Қадировты, 18-і Д.Омаровты қолдады.
Бірлестік төрағасы болып Жамол Қадиров сайланды.
«Төлеби-ақпарат».
