Көктемгі су тасқынының алдын алу мақсатында аудан әкімі Е.Әлімқұловтың қатысуымен «Көктем-2025» республикалық командалық штабтық оқу-жаттығуы өтті.
Еркеғали Амантайұлы барлық азаматтық қорғау күштері: өрт сөндірушілер мен медициналық қызмет көрсетушілердің, электр қуатымен қамтамасыз ету, газ жүйесінің апаттық қызметі және жанар-жағармаймен қамтамасыз ету қызметтерінің дайындығымен, арнайы техникалардың жағдайымен танысты.
Оқу-жаттығу жиыны көктем мезгілінде орын алуы мүмкін төтенше жағдайларды болдырмау үшін азаматтық қорғаныс құрылымы мен қызметтерінің даярлығын тексеру мен жетілдіру, аудандық азаматтық қорғау қызметтерінің дайындықтарын пысықтау мақсатында ұйымдастырылды.
«Төлеби-ақпарат».
