Аудан әкімі Еркеғали Әлімқұловтың бастамасымен ауданда 14-тен 35-ке дейінгі жастарға ағылшын тілін үйренуге арналған курстар жұмысын бастады.
Қазіргі таңда аудан әкімдігі ғимаратында 23 жас мемлекеттік қызметші ағылшын тілінен дәріс алуда.
Ағылшын тілінен оқу курсы аптасына 2 рет 2 ай көлемінде өтеді.
Жастарды шетелдік туристерді ауданның көрнекті жерлерімен, тұмса табиғатымен таныстырып, тарихы жөнінде баяндауға машықтандыруға арналған оқу курсы аудандық Жастар ресурстық орталығында жыл бойы жалғасын табады деп жоспарлануда.
«Төлеби-ақпарат».
