16 желтоқсан – Қазақстан Республикасының Тәуелсіздік күні мерекесіне орай Ленгір қаласының әкімі Жұмабаев Мақсат Болысбекұлы мен аудандық мәслихат депутаты Мәженов Сәкен Есмаханұлы қала тұрғындары мен коммуналдық сала қызметкерлеріне «Қазақстан» шоколады мен ыстық кофе таратып, мерекемен құттықтады. Тұрғындар өз кезегінде суық күнде жылу сыйлап, көңіл-күйлерін көтерген азаматтарға алғыстарын білдірді.
Қыстың күшіне мініп, күннің суытуына байланысты Төлеби ауданында коммуналдық қызмет мекемесі күшейтілген режимде жұмыс істеуде. Көше тазалығына жауапты қызметкерлер ауа райының суытқанына қарамай, жаяу жүргіншілерге арналған жолдарды қардан тазартуда.
«Суық күнде жылу сыйла» челленджін жалғастырған аудандық мәслихат депутаттары Нұргелді Құлышев пен Жанғали Мәуленов аяқ жолдарды, автокөлік жолдарын тазалап жүрген жұмысшыларға ыстық шай мен тәттілер үлестіріп, көтеріңкі көңіл-күй сыйлады. Аяз бен боранды елемей, халыққа қызмет етіп, жұмыстарын адал атқарып жүрген жандарға осылайша алғыстарын жеткізді.
А.АСҚАРҚЫЗЫ.
