Өткен аптада «Ауылда денсаулық сақтауды жаңғырту» ұлттық пилоттық жобасы аясында Жаңажол, Диханкөл және Зертас ауылдарында құрылысы аяқталған фельдшерлік-акушерлік пункттер пайдалануға берілді.
Денсаулық сақтау нысандарының ашылу салтанатына Түркістан облысы әкімінің орынбасары Нұралхан Көшеров, облыстық денсаулық сақтау басқармасының басшысы Асхан Байдуәлиев қатысып, нысандардың лентасын қиды. Салтанатты шарада ауыл халқын қуанышымен құттықтап, бұл нысандар ауыл тұрғындарының өмір сүру сапасын едәуір арттыруға және азаматтарымыздың денсаулығын жақсартуға мүмкіндік беретінін айтты.
Аудан әкімі Еркеғали Әлімқұлов жаңа ФАП-тар білікті кадрлармен ғана емес, сонымен қатар заманауи медициналық құралдармен жабдықталғанын айтып, жаңа медициналық нысандар елге қызмет көрсетуге толығымен дайын екенін жеткізді.
Ауданда 2 аурухана, 5 дәрігерлік емхана, 5 бастапқы медициналық-санитариялық көмек көрсету орталығы, Ленгір қалалық емханасы, қалалық тіс емханасы, сонымен бірге 51 медициналық пункт халыққа қызмет көрсетуде.
«Төлеби-ақпарат».
