Өткен сәрсенбіде сегізінші шақырылымдағы аудандық мәслихаттың кезектен тыс, ХХV сессиясы болып, оны мәслихат төрағасы Н.Қойбағаров жүргізіп отырды.
Депутатттар аудандық мәслихаттың 2024 жылғы 25 желтоқсандағы №21/109-VІІІ «2025-2027 жылдарға арналған аудандық бюджет туралы» шешіміне өзгеріс енгізді. Ауданның 2025 жылғы бюджеті кірісі бойынша 11870332 мың теңге, шығысы бойынша 12139992 мың теңге көлемінде бекітілді.
Төлеби аудандық жер комиссиясының құрамына өзгерістер енгізілді.
Сессияда Төлеби ауданының үздік логотипі конкурсын өткізу жөніндегі сараптамалық комиссияның 2025 жылғы 27 наурыздағы №3 хаттамасының негізінде ауданның жаңа логотипі (суретте) бекітілді.
Депутаттар Ленгір қаласының №2 және 3 мөлтек аудандарының орталық көшесіне атау беру туралы мәселені қарады. Сессияға қатысып отырған 15 депутаттың төртеуі көшеге бүкіл ғұмырын бала тәрбиесіне арнап, білім саласының дамуына ерекше еңбегі сіңген Төлеби ауданының құрметті азаматы, марқұм Зетбек Ташевтың есімін беруді қолдаса, қалған он бір депутат оған қарсылық білдірді.
Сессияға аудан әкімі Е.Әлімқұлов қатысып, сөз сөйледі.
«Төлеби-ақпарат».
