Артериялық гипертензия (жоғары қан қысымы) – қан қысымының 140/90 мм сын.бағ. және одан жоғары көрсеткіште тұрақты түрде жоғары болуы. Бұл – қазіргі кезде әлемде ең көп таралған аурулардың бірі, ол ұзақ уақыт бойы емделмесе жүректің ишемиялық ауруы (стенокардия), жүрек және бүйрек жеткіліксіздігі және олардың асқынулары (инсульт, миокард инфарктісі) сияқты қан айналымы жүйесі ауруларының дамуына әкеледі. Сұлтанрабат дәрігерлік амбулаториясында 6000 адам тіркелген, оның ішінде артериялық гипертензиямен 500-ге жуық науқас, біздің учаскеде 127 адам есепте тұрады.
Артериялық гипертензияның негізгі себептері:
– тұқым қуалаушылық;
– артық салмақ, қозғалыссыз өмір салты;
– тұзды көп қолдану;
– шылым шегу, алкоголь;
– стресс, жүйке шаршауы.
Белгілері:
– бас ауруы, әсіресе самай тұсында;
– бас айналу, жүрек айнуы;
– тез шаршағыштық;
– жүрек соғысының жиілеуі.
Асқынулары:
– инсульт;
– жүрек жеткіліксіздігі;
– ми қан айналымының бұзылуы;
– бүйрек зақымдануы.
Алдын алу жолдары:
– дұрыс тамақтану (тұзды азайту, көкөніс-жемістер тұтыну);
– қозғалыс, дене белсенділігі;
– зиянды әдеттерден бас тарту;
– стрессті басқару;
– қан қысымын үнемі бақылап тұру.
Гипертензияға қарсы (дәрілік) терапия – жүрек-қантамырлары асқынуларының даму қаупін азайтуға көмектесетін қан қысымының деңгейін төмендетуге және тұрақтандыруға бағытталған белгілі бір препараттар кешенін қабылдау. Дәрігердің барлық ұсыныстарын қатаң сақтаңыз. Қан қысымының тұрақталуына қарамастан, дәрі-дәрмек қабылдауды тоқтатпаңыз, өзін-өзі бақылау күнделігін жүргізіңіз және өз дәрігеріңізбен байқаған өзгерістерді талқылап отырыңыз.
Б.МАМАЕВА,
Сұлтанрабат дәрігерлік амбулаториясының медбикесі.
