Төлеби ауданының білім бөліміне қарасты Момынай жалпы білім беретін мектебінің мақтаныштары – кикбокстан облыс чемпиондары Ахтай Жасұлан Жандосұлы, Октябр Бисұлтан Нұрмаханұлы, Сүттібай Бекнұр Бекназарұлы, Миятбек Сара Саматқызы, 2 күміс жүлдегер – Тастемір Абдулрахман Талғатұлы, Ахтай Санжар Шерханұлы. Бұл жеткіншектер Түлкібас ауданында наурыз айында жеңіске жетіп, 2025 жылғы Қазақстан Республикасы чемпионатына жолдама алған болатын. Сәуір айында Алматы қаласында өткен Қазақстан Республикасы чемпионатында Октябр Бисұлтан қола жүлдегер атанса (жарақатына байланысты ақтық жекпе-жекке жіберілмеді), күні кеше Миятбек Сара Саматқызы Ақтөбе қаласынан кикбоксингтен Қазақстан Республикасының чемпионы болып оралды. Аллаға шүкір, еңбегіміз жанды! Жеңіс 1 пайыз дарынмен, 99 пайыз еңбекпен келетіні белгілі. Шәкірттеріме әлемдік додаларда да жеңіс тұғырынан көрініп, көк туымызды желбіретіп, әнұранымызды әуелете берулеріне тілектеспін!
Алмаз ДҮЙСЕБАЕВ,
Момынай жалпы білім беретін мектебі дене шынықтыру пәнінің мұғалімі.
