Жетісай қаласында қаңтар айының 21-і мен 25-і күндері аралығында еркін күрестен 2008-2009 жылы туған жасөспірімдер мен 2010-2011 жылы туған кіші жасөспірімдер арасында еркін күрестен Түркістан облысының чемпионаты өтті. Облысымыздың барлық аудандарындағы спорт мекемелерінен 300-ден астам жас боз кілем шеберлері жиналған спорттық жарыс өте тартысты өтті. Айтулы додада аудандық №3 балалар мен жасөспірімдер спорт мектебінің шәкірттері жеңімпаздар мен жүлдегерлер қатарынан көрінді. Атап айтар болсақ, Валиев Зейтхан (51 кг) І орынға табан тіреп, алтыннан алқа тақса, Махамбетәлі Дастан (+85 кг) ІІ орынды иеленіп, күміс жүлдегер атанды. Бес шәкіртіміз ІІІ орыннан көрініп, қола медальға ие болды, олар: Валиев Мавлюд (38 кг), Ержан Дінислам (44 кг), Асанбай Айдос (48 кг), Мажидов Ороч (45 кг), Валиев Салих (68 кг).
Осылайша шәкірттеріміз 1 алтын, 1 күміс, 5 қола медальмен жүлде қоржы-нымызды толықтыра түсті. Жүлдегерлер арнайы дипломдармен марапатталды. Облыс біріншілігінің жалпы қорытындысы бойынша Төлеби ауданының жас палуандары 4 алтын, 4 күміс, 6 қола медальмен командалық есепте І орынға ие болып, арнайы кубок Төлеби ауданы командасының жетекшісі, әріптесіміз Саурбаев Мүтанға табысталды. Сонымен қатар жеңімпаз және жүлдегер атанған шәкірттеріміз алдағы уақытта өтетін Қазақстан Республикасының чем-пионатына қатысатын болды. Шәкірттерімізді және жаттықтырушыларымыз Саурбаев Мүтанды, Тастанов Муслимді, Шөкебаев Шадиярды, Қалшабек Байдәулетті облыс чемпионатындағы жетістіктерімен құттықтаймыз! Еліміздің чемпионатына тыңғылықты дайындықпен барып, биік тұғырдан көрінеді деп сенім артамыз.
Н.КЕНБАЕВ,
аудандық №3 балалар мен
жасөспірімдер спорт мектебінің әдіскері.
