Мейірімі мен кәсібилігі үндескен

Мен – 80 жастағы ардагер анамын. Қолыма қалам алып, газет арқылы ақ халатты абзал жандарға алғысымды білдіруді жөн көрдім. Аудандық ау-руханаға барған сайын көз дәрігері Әмірханов Дәурен Шынықұлұлының адамгершілігіне, мейіріміне, кәсіби бі-ліміне риза болып қайтамын.

Көксәйектегі ауруханада ол 2007 жылдан бері қызмет етіп келеді екен. Осы жылдар ішінде талай адамның көзіне шипа болып, өміріне жарық сыйлап жүрген нағыз кәсіби маман деп айта аламын.

Дәурен баламның бойындағы білімі мен тәжірибесінен бөлек, адаммен сөйлесу мәдениеті, үлкенді құрметтеп, кішіні аялауы – жанымның ауырғанын ұмыттырып, бойыма қуат береді. Осын-дай мейірімі мен кәсібилігі үндескен дәрігердің қасында болғанда, жүрегің тынышталып, өзіңді қауіпсіз сезінесің. Текті жерден шыққанын мінезімен көр-сетіп, кішіпейілділігімен өзіне баурап алады.

Сол мейірім мен адамгершіліктің арқасында бір орында 18 жыл бойы абыроймен қызмет атқарып келе жат-қанына шын қуаныштымын.

Айналайын Дәурен, лауазымың өсіп, отбасыңның құт-берекесі артып, ұл-қызыңның қызығына бөлене бер! Ха- лықтың алғысы мен батасы әрдайым биікке жетелесін!

Сонымен қатар жанында қызмет етіп жүрген медбикелерге де шексіз риза-шылығымды білдіремін. Олар да дәрі- гер секілді мейірімді, кішіпейіл, әр нау-қасқа қамқорлықпен қарайтын асыл жандар.

Байжанова Шахназ бен Орынбаева Әсияға жүректен шыққан алғысым: «Балаларыңның шаттығына бөленіп, бақытты ғұмыр кешіңдер, айналайын-дар! Маған көрсеткен қамқорлықта- рыңыз бен жылы сөздеріңіз, үлкенге деген сыйластықтарыңыз – жүрегімді қуанышқа толтырады. Сіздердей ақ халатты абзал жандарға амандық тілеймін!».

 

Мария Манабаева,

көпбалалы ана.

 

Ақайдар ауылы.