Республикалық жарыста жүлдегер атанды

Орал қаласында өткен техникалық шығармашылық пен өнертапқыштық бағытындағы республикалық жарыста Төлеби ауданының оқушысы жүлделі орыннан көрінді.
Аудандық оқушылар үйінің «Кеме және әуе модельдеу» үйірмесінде тәлім алатын Ленгір қаласындағы №4 Қаныш Сәтбаев атындағы жалпы білім беретін мектептің 11-сынып оқушысы Хасан Ескендір байқаудың «F4-C» (бір модель) номинациясында бақ сынап, ІІІ дәрежелі дипломға ие болды.
Жас талапкердің бұл жетістігі оның техникалық шығармашылыққа деген қызығушылығы мен үздіксіз ізденісінің жемісі. Сонымен қатар, шәкірттің қабілетін шыңдап, республикалық деңгейдегі додаға дайындаған үйірме жетекшісі Назарбек Кебекбаевтың да қажырлы еңбегі жоғары бағаланды.
Ұстаз бен шәкірттің өзара үйлесімді жұмысы нәтижесінде Төлеби ауданының мерейі тағы бір мәрте республикалық деңгейде үстем болды.
Хасан Ескендір мен оның жетекшісі Назарбек Кебекбаевты осы жетістіктерімен құттықтай отырып, алдағы уақытта да тың жобаларымен танылып, жаңа белестерді бағындыра берулеріне тілектестік білдіреміз.