Төлеби ауданы білім бөліміне қарасты Б.Биболатұлы атындағы жалпы білім беретін мектепте жас спортшыны құрметтеуге арналған салтанатты марапаттау рәсімі өтті. Іс-шараға Қасқасу ауылдық округінің әкімі Б.Маткаримов, Кеңесарық ауылының биі Ақылбай Манкеев және ауыл ақсақалдары қатысты.
Жиынның басты мақсаты – жастар арасында спортты насихаттап, жас спортшыларға қолдау көрсету. Осы орайда самбо және қазақ күресінен Қазақстан Республикасының чемпионатында І орын иеленген мектеп түлегі Рсынхан Гүлнұр Серікқызы арнайы марапатталды.
Жеңімпаз спортшыға демеушілер тарапынан 1 миллион теңге қаржылай сыйақы мен бағалы заттай сыйлықтар табысталды. Сонымен қатар, Төлеби аудандық мәслихатының депутаты Т.Манкеев спортшының ата-анасына ауыл тұрғындары атынан алғыс білдіріп, ел намысын қорғаған перзент тәрбиелегендері үшін ризашылығын жеткізді.
Жас спортшының жетістігі – аудан мерейі мен ел мақтанышы. Осындай дарынды жастардың жеңісі өскелең ұрпаққа үлгі болып, спортқа деген қызығушылықты арттыра түсетіні сөзсіз. Рсынхан Гүлнұр Серікқызына алдағы уақытта да биік белестер мен толағай табыстар тілейміз!
«Төлеби-ақпарат».
http://tolebituy.kz/wp-content/uploads/2026/06/Төлеби-туы-2026.06АТО.pdf
