Хьюстондағы ұлы жеңіс!

Төлеби – дарындылар аламаны,

Бұл жердің білімді шын балалары.

Мұхитты асқан кеше сегіз бала,

Техасты көк туменен аралады!

 

Қос ұстаз жетекшісі балалардың,

Жасады Хьюстонда қалағанын!

Қазақтың көк байрағын желбіретіп,

Жүрегін тебірентті сан адамның!

 

Сәкен, Айжан ұстаздар алып барды,

Біздің ұжым күш берді салып жанды.

Дарынның балалары жүлде алып,

Шулатты Штаттағы барлық залды.

 

Нұрислам текті жігіт Дарындағы,

Тік тұрғызған Ақш-та бәрін-дағы.

Кәусар мен Айсұлу қыз, Аянат қыз,

Білімін паш етіпті жадындағы!

 

Нұрислам, Дінмұхаммед, Ердананың,

Қазылар бақылады әр қадамын.

Досымжан білімімен, ұйымшыл боп,

Тамсантты әділ қазы алқаларын!

 

Түркістанның арқалап армандарын,

Көтерген даңқын көкке тарландары!

Әлемді бағындырған бұл шәкірттер,

Мектептің ең бағалы маржандары!

 

Көрінді тек  жеңіске талпынғаны,

Күш салып, бел сыбанды әр күн бәрі.

Мектептің абыройын асқақтатқан,

Ұл-қыздар Төлебидің алтындары!

 

Алғыс көп ата-ана, баптағанға,

Себеп көп балаларды мақтағанға!

Құрметін көрсетейік барлығына

Үмітін артқан елдің ақтағанда!

 

Қос ұстаз еңбектері еленген шын,

Кіргізген мекеменің берекесін.

Құрметпен, салтанатпен, мақтанышпен

Көрсінші елдің ізгі мерекесін!

 

Фариза Сағынбек,

Төлеби ауданының мамандандырылған мектеп-интернатының қызметкері.