Төлебилік дарындар Хьюстоннан жүлдемен оралды!

АҚШ-тың Техас штатындағы Хьюстон қаласында өткен робототехникадан əлем чемпионатында Төлеби ауданының мамандандырылған мектеп-интернатының «Tolebi Daryn» командасы жоғары нəтиже көрсетіп, жүлделі орынға ие

болды. Əлемнің түкпір-түкпірінен үздік командалардың басын қосқан беделді дода George R.Brown Convention Center алаңында ұйымдастырылды. Ауқымды шараға 50 мыңнан астам үміткер қатысып, робототехника саласындағы озық идеялар мен инновациялық жобаларды ұсынды. Қазақстан құрамасы бұл чемпионатта ерекше белсенділік танытып, жалпы саны 12 марапат жеңіп алды. Ел намысын қорғаған делегация құрамында рекордтық көрсеткіш – 225 оқушы

болды.

Төрт күнге созылған жарыс барысында қатысушылар бірнеше бағыт бойынша бақ сынады. Атап айтқанда, инновациялық жобаларды қорғау (Innovation Project), роботтар ойыны (Robot Performance), робот дизайнын таныстыру (Robot Design) жəне команданың негізгі құндылықтарын көрсету (Core Values) кезеңдері бойынша білім мен шеберліктерін дəлелдеді.

Түркістан облысынан барған «Tolebi Daryn» командасы «Unearthed» тақырыбы аясында археология бағыты бойынша тың идеялар ұсынып, жоғары деңгейде өнер көрсетті. Нəтижесінде, команда FIRST LEGO League Challenge (10–16 жас) санаты бойынша əлемнің үздік бес командасының қатарына еніп, Champions Award финалисті атанып, жүлделі ІІ орынды иеленді.

Бұл жетістік – оқушылардың табандылығы мен білімге деген құштарлығының, сондай-ақ жетекшілердің кəсіби шеберлігінің айқын көрінісі. Осы орайда Төлеби ауданының мамандандырылған мектеп-интернатының дарынды оқушыларын, олардың жетекшілері Сəкен Дəлмырзаев пен Айжан Кенжееваны жəне ата-аналарын осынау жоғары жетістіктерімен құттықтаймыз!

Халықаралық деңгейде ел абыройын асқақтатқан жас дарындардың бұл жеңісі – Қазақстан білімінің

сапасы мен болашағының жарқын дəлелі.

 

«Төлеби-ақпарат».