«Білім-инновация» халықаралық қоғамдық қорының бастамасымен Түркістан облысы білім басқармасының «Облыстық дарынды балаларды анықтау және қолдау орталығының» ұйымдастыруымен «Жарқын болашақ» республикалық қазақ тілі олимпиадасының облыстық кезеңі өтті.
Он үш жыл қатарынан дәстүрлі түрде өткізіліп келе жатқан олимпиаданың негізгі мақсаты – мемлекеттік тілдің қолданылу аясын кеңейту, қазақ халқының мәдени, әдеби және рухани қазыналарын кеңінен насихаттау, оқушылардың шығармашылық, ізденушілік қабілеттерін, мәдени дүниетанымын дамыту.
Бес бағыт бойынша өткізілетін олимпиадаға қазақ тобы және өзге ұлт тобы бойынша жалпы білім беретін мектептердің 7-11-сынып оқушылары қатысты (13-18 жас аралығы).
Төлеби ауданының оқушылары облыстық кезеңде жоғары нәтижелер көрсетіп, аудан абыройын асқақтатты.
«Білгірлер бәйгесі» бағыты бойынша Хажматова Самира (Жыланбұзған жалпы білім беретін мектебінің 9-сынып оқушысы) – I орын. Жетекшісі Елубаева Айгүл.
Әбдіқадыр Гүлназ (Қостөбе шағын жинақты жалпы білім беретін мектебінің 8-сынып оқушысы) – II орын. Жетекшісі Досболаева Гүлзира.
«Жас қаламгер» бағыты бойынша Ергешбай Жаннұр (Б.Түлкиев атындағы жалпы білім беретін мектептің 10-сынып оқушысы) – II орын. Жетекшісі Оразбаева Назым.
«Сөз шеберлері» бағыты бойынша Хажматова Диана (Жыланбұзған жалпы білім беретін мектебінің 11-сынып оқушысы) – II орын. Жетекшісі Айкөзова Гүлнар.
«Әнші бұлбұлдар» бағыты бойынша Юлдашева Далила (№5 мектеп-гимназияның 8-сынып оқушысы) – II орын. Жетекшісі Бейсенова Маржан.
Олимпиадада жалпыкомандалық есепте Төлеби ауданы І орынды иеленді!
«Төлеби-ақпарат».
