Түркістан облысы білім басқармасы басшысының міндетін атқарушы Г.Орыновтың 2025 жылғы 28 қарашадағы № К-408 бұйрығына сәйкес НҰрабаева Шұға Тұрмаханбетқызы 2025 жылғы 28 қарашадан бастап Төлеби аудандық білім бөлімінің басшысы қызметіне тағайындалды.
Нұрабаева Шұға Тұрмаханбетқызы 1969 жылғы 10 ақпанда Оңтүстік Қазақстан облысы Бөген ауданының Темірлан ауылында дүниеге келген. 1994 жылы М.Әуезов атындағы Шымкент педагогикалық институтын қазақ тілі мен әдебиеті пәнінің мұғалімі мамандығы бойынша бітірген.
Еңбек жолын 1986 жылы Темірлан ауылындағы Чкалов атындағы жалпы орта мектепте тәрбиеші қызметінен бастаған.
1987-1993 жылдары Аманкелді атындағы орта мектепте аға тәрбиеші, 1993-2000 жылдары қазақ тілі мен әдебиеті пәнінің мұғалімі, 2000-2002 жылдары Шымкент қаласындағы Ә.Молдағұлова атындағы орта мектепте қазақ тілі мен әдебиеті пәнінің мұғалімі, 2002-2004 жылдары №64 Х.Досмұхамедов атындағы орта мектеп директорының оқу ісі жөніндегі орынбасары, 2004-2009 жылдары №25 Т.Рысқұлов атындағы мектеп-гимназия директорының оқу ісі жөніндегі орынбасары, 2009-2010 жылдары Шымкент қаласындағы №58 орта мектеп директоры, 2010-2018 жылдары №72 орта мектеп директоры қызметтерін атқарған.
2018 жылғы 4 сәуірден 2025 жылдың 27 қарашасына дейін Ордабасы аудандық білім бөлімінің басшысы қызметінде болды.
