Халқымызда «Кітап – білім бұлағы» деген жақсы сөз бар. Ал кітапханашы оқырман қауымға білімнің, мәдениеттің, рухани байлықтың есігін айқара ашады. Бұл мамандықтың иелері оқырманын кітап оқу арқылы өз бетімен ізденуге, өзіндік ой-пікірлерін қалыптастыруға жетелейді. Аудан кітапханашылары жыл бойына өз оқырмандарының басын қосып, көптеген мәдени-көпшілік шаралар, кездесулер өткізіп келеді.
Аудандық мәдениет үйінде аудан кітапханашылары кәсіптік мерекелерін салтанатты жағдайда атап өтті.
Аудандық мәдениет, тілдерді дамыту, дене шынықтыру және спорт бөлімінің басшысы Әуесбек Әсілбек кітапханашыларды мерекесімен құттықтап, республикалық, облыстық дәрежедегі марапаттар, аудан әкімінің Алғыс хатын тапсырды. Аудандық мәслихаттың Алғыс хатын аудандық мәслихаттың депутаты Сәкен Мәженов табыстады.
Аудандық орталықтандырылған кітапхана жүйесінің директоры Светлана Викторовна Шишкина «Жыл үздігі», «Ең үздік оқырман» атанған кітапханашы мен оқырмандарға Алғыс хаттар мен ақша- лай сыйлық табыс етті.
Аудан кітапханашылары сахнада көркем шығармалар кейіпкерлерін сомдап, ән салып, мереке шырайын келтіре түсті. Аудандық мәдениет үйінің қызметкерлері кітапханашыларға ән шырқап, өз өнерлерін тарту етті.
«Төлеби-ақпарат».
