Аудандық білім бөліміне қарасты білім мекемелеріне қажетті оқулықтарға және оқу-әдістемелік кешендерге алдын ала тапсырыс беріліп, барлық мектептер оқулықтармен толық қамтылды. Мектеп кітапханаларында 2025-2026 оқу жылы қарсаңында оқушыларға оқулықтар тарату жұмыстары жүргізілді.
Кітапхана қызметкерлері әр сынып оқушыларына қажетті пәндік кітаптарды дайындап, тізім бойынша үлестірді. Сондай-ақ, оқушыларға кітапты күтіп ұстау мәдениеті мен оны дұрыс пайдалану жөнінде түсінік жұмыстары жүргізілді.
2025-2026 оқу жылына қажетті оқулықтар мен ОӘК сатып алу үшін «Мектеп», «Арман ПВ», «Атамұра», «Алматыкітап», «Келешек-2030», «Көкжиек-Горизонт», «ММ Publications», «Oxford», «НИШ», «САТР», «Express Publishing» баспаларынан жалпы 71446 дана кітапқа тапсырыс берілді. Алғашқы қоңырау сыңғыр қақпастан бұрын 11 баспада жарық көрген оқулықтар тасымалданып, мектептерге таратылып, шәкірттер 100 пайыз кітаппен қамтылды.
Оқу жылы қарсаңында 4-сыныпқа арналған «Цифрлық сауаттылық» (электрондық оқулық), бейнелеу өнері, еңбекке баулу, ағылшын тілі, орыс тілі (оқыту қазақ тілінде жүргізілетін мектептер үшін), жаратылыс тану және 7-сынып оқулықтары мен
8-сыныпқа Қазақстан тарихы, география,
11-сыныпқа құқық негіздері,
10-11-сыныптарға алғашқы әскери дайындық оқулықтары дер кезінде жеткізіліп, шәкірттердің сапалы білім алуына барынша мүмкіндік жасалуда.
«Төлеби-ақпарат».
