Оқырман қауым Ленгірдегі аудандық орталықтандырылған кітапханада Қазақстан Журналистер және Жазушылар одақтарының мүшесі, Қазақстанның Құрметті журналисі, Төлеби ауданының Құрметті азаматы, «Құрмет» орденінің және басқа да көптеген марапаттың иегері, зейнеткер ұстаз Көшкінбай Елікбаевтың балаларға арналған «Сыр сандық» кітабын талқылап, өз ой-пікірлерін білдірді.
Кітапқұмарлар басқосуын осы кітапхана қызметкерлері Айгүл Сатыбалдиева мен Мақпал Бектұрова жүргізді. Балғын оқырмандар кітаптан алған әсерлерін айтып берді. Қаладағы №1 мектеп-гимназияның 4-сынып оқушысы Аида Назарқызы Көшкінбай атасының «Тәтті күлше» әңгімесінің мазмұнын тартымды етіп айтып берді.
Арнайы шақырылғанымен түрлі себептермен бұл тартымды кездесуге қатыса алмаған қаламгер ұстаз кітапхана қызметкерлерімен хабарласып, ризалық сезімін білдіріп, алғысын айтты.
К.Үрпекбаева,
кітапхана оқырманы.
