Ленгірде жаңа, заманауи үлгідегі «Мерей» сауда орталығы аудан тұрғындарына есігін айқара ашты. Бұл аудан орталығындағы қала келбетін аша түсуге, жабайы сауда нүктелерін болдырмауға, кәсіпкерлікті қолдауға бағытталған ауқымды жобалардың бірі деп айтсақ та болады. Жаңа сауда орталығында барлығы 55 сауда нүктесі жұмыс істейді. Жергілікті кәсіпкерлер үшін санитарлық талаптарға толықтай жауап беретін жайлы да қауіпсіз сауда орны.
Жобаның жалпы инвестициясы 400 млн теңгені құрайды. Бұл – өңірімізге тартылған жеке инвестициялардың бірі ретінде маңызды. Қуаныштысы, Ленгірде жаңа жұмыс орны ашылып, көптеген адам тұрақты жұмыспен қамтылып отыр.
Сауда орталығының қызметі арқылы қалалық бюджет кірісі артып, салық түсімі еселей түседі деген сенімдеміз. Аталған жобаны жүзеге асырып, қаламыздың көркеюіне үлес қосып отырған нысан иесі – жерлесіміз, іскер азамат жеке кәсіпкер Дархан Нұрланұлының еңбегі зор.
«Мерей» – тек сауда орталығы ғана емес, бұл – қала тұрғындары үшін қолайлы, ал кәсіпкерлер үшін тиімді, қыста жылы, жазда салқын орта. Қажетті барлық инфрақұрылыммен қамтамасыз етілген. Келушілерге көлік тұрағы қарастырылған.
«Төлеби-ақпарат».
