Тұрғындардың әл-ауқатын арттырып, инфрақұрылымды дамыту – жергілікті атқарушы органдардың басты міндеттерінің бірі. Осы бағытта Ленгір қаласындағы тұрғындар көтерген өзекті мәселелер кезең-кезеңімен шешімін тауып келеді. Жақында «Самал» мөлтекауданындағы ішкі, шағын көшелердің бірі жөндеуден өтті.
Ленгірліктердің өтінішіне сәйкес, аталған көшеде «Жарық жол» коммуналдық мемлекеттік мекемесінің мамандары тарапынан ағымдағы жөндеу жұмыстары жүргізілді. Жөндеу барысында жол беті тегістеліп, асфальт төселіп, жүргіншілер мен көлік қозғалысы үшін ыңғайлы жағдай жасалды. Бұл жұмыстар қаланың абаттануы мен тұрғындарға қолайлы орта қалыптастыру мақсатында атқарылып жатқан жүйелі істердің бір бөлігі ғана. Жергілікті билік тарапынан қала ішіндегі басқа да көшелер мен инфрақұрылымдық нысандар кезең-кезеңімен жаңартылып, жөндеу жұмыстары жоспарға сәйкес жалғаса бермек. «Тұрғындардың көтерген мәселелеріне дер кезінде назар аударып, оларды шешуге нақты қадам жасау — әкімдік пен халық арасындағы сенімнің артуына негіз болады. Сондықтан алдағы уақытта да тұрғындардың ұсыныстары мен өтініштері ескеріліп, өмір сүру сапасын арттыруға бағытталған жұмыстар жалғасын табады», – дейді қала әкімі М.Жұмабаев.
«Төлеби-ақпарат».
