Түркістан облысының санитариялық-эпидемиологиялық бақылау департаменті республикалық мемлекеттік мекемесі басшысының 2025 жылғы 10 сәуірдегі №294 ж/қ бұйрығымен Нұрдәулет Суннаттуллаұлы ӘБЕН 2025 жылғы 11 сәуірде Түркістан облысы санитариялық-эпидемиологиялық бақылау департаменті Төлеби аудандық санитариялық-эпидемиологиялық бақылау басқармасының басшысы болып тағайындалды.
Нұрдәулет Суннаттуллаұлы 1993 жылғы 30 наурызда қазіргі Түркістан облысының Қазығұрт ауданында дүниеге келген. 2016 жылы Қарағанды мемлекеттік университетін қоғамдық денсаулық сақтау мамандығы бойынша, 2018 жылы Аймақтық әлеуметтік-инновациялық университетін құқықтану мамандығы бойынша бітірген.
Еңбек жолын 2016 жылғы 4 қарашада ОҚО Тұтынушылардың құқықтарын қорғау департаменті Қазығұрт аудандық Тұтынушылардың құқықтарын қорғау басқармасында жетекші маманның міндетін атқарушы болып бастаған. 2017-2019 жылдары Қазығұрт аудандық қоғамдық денсаулық сақтау басқармасы эпидемиологиялық қадағалау бөлімінің бас маманы; 2019-2020 жылдары Қазығұрт аудандық тауарлар мен көрсетілетін қызметтердің сапасы мен қауіпсіздігін бақылау басқармасы эпидемиологиялық қадағалау бөлімінің бас маманы; 2020-2021 жылдары Қазығұрт аудандық санитариялық-эпидемиологиялық бақылау басқармасы мемлекеттік қызмет көрсету және цифрландыру бөлімінің басшысы; 2021-2024 жылдары Қазығұрт аудандық санитариялық-эпидемиологиялық бақылау басқармасы басшысының орынбасары қызметтерін атқарған. 2024-2025 жылдар аралығында Сайрам аудандық санитариялық-эпидемиологиялық бақылау басқармасы басшысының орынбасары, Отырар аудандық санитариялық-эпидемиологиялық бақылау басқармасының басшысы лауазымдарында еңбек еткен.
«Төлеби-ақпарат».
