Наурыз мерекесі қарсаңында Ленгір қаласында 120 пәтерлі көпқабатты 2 тұрғын үй пайдалануға берілді. Аудан әкімі Еркеғали Әлімқұлов жаңа қоныс иелеріне құттықтау тілегін арнап, пәтер кілтін салтанатты түрде тапсырды. Мұндай мүмкіндікке тұрғын үй кезегінде тұрған аз қамтылған, көпбалалы отбасылар мен ата-анасының қамқорлығынсыз қалған балалар ие болды.
Тұрғын үй алаңының көлемі 7877,4 шаршы метр, жоба құны 2,1 млрд теңгені құраған құрылыс жұмыстарын мердігер мекемелер «Тау Бетон» ЖШС-і мен «Ынтымак-ОК» ЖШС-і атқарды.
Пайдалануға берілген тұрғын үйлердің жанынан үшінші тұрғын үйдің іргетасы қаланып, құрылыс жұмыстары басталды.
Жыл соңына дейін тағы үш көпқабатты тұрғын үйдің құрылысы аяқталып, 156 отбасы баспаналы болмақ.
«Төлеби-ақпарат».
