Аудандық білім бөлімінің басшысы, профессор, академик Бекайдар Тойлыбаевтың бастамасымен білім бөлімі мен білім қызметкерлері кәсіподағының аудандық комитеті мектеп басшыларымен бірлесіп, Ленгірдегі «Kristal Holl» мейрамханасында Рамазан айымен тұспа-тұс келген 8 Наурыз – Халықаралық әйелдер мерекесіне орай мектептер мен балабақшалардың педагогтарын мейраммен құттықтап, ауызашар берді.
Ауданның бас имамы Үсен Саурбаев құран оқып, бата берілген соң, аналардың назарына мерекелік концерт ұсынылды.
Ұлттық киіммен келген ұстаздар мерекенің сәнін келтірді. Педагог ханымдардың әрбіріне сый-сияпат жасалып, гүл шоқтары табысталды. Ұстаздар мерекелік көңіл-күй сыйлаған ұйымдастырушыларға алғысын білдірді.
«Төлеби-ақпарат».
