Төлеби ауданы ішкі саясат бөлімінің «Жастар ресурстық орталығы» КММ-нің мамандарынан құрылған мобильді топ №8 кәсіптік-техникалық колледж студенттерімен кездесті. Басқосуда мемлекет тарапынан жастарға беріліп жатқан жеңілдіктер туралы, оның ішінде жастарға арналған 2,5% несие (5 000 000 теңге), «Бастау бизнес» (қайтарымсыз 1 572 800 теңге), «Тәуелсіздік ұрпақтары» (қайтарымсыз 3 000 000 теңге), «ZHAS PROJECT» жобасы (қайтарымсыз 1 000 000 теңге) және «Мәңгілік ел жастары – индустрияға» – «Серпін-2050» мемлекеттік бағдарламасы, «Болашақ» халықаралық стипендиясы және «Жасыл ел» жастар жасағы жайлы колледж бітіруші түлектерге арнайы түсіндірме жұмыстары жүргізіліп, инфопарақшалар таратылды.
Сонымен қатар жастар арасында орын алатын келеңсіз жағдайлардың алдын алу, оның ішінде қылмыстық құқық бұзушылық, буллинг, суицид, қыздар арасындағы ерте жүктілік, құмар ойын тақырыптары да кеңінен талқыланып, жастарға ой салды. Студенттер көкейіндегі сұрақтарын қойып, тұщымды жауаптарын алды.
«Төлеби-ақпарат».
