Көптің алғысына бөленген

Аудандағы табиғаты таңғажайып тау қойнауына орналасқан «Бір-көлік» шипажайы өткен ғасырдың 70-жылдарынан бері жұмыс істеп, халықтың денсаулығын жақсартуға өзіндік үлес қосып келеді. Онда емделіп демалуға еліміздің түкпір-түкпірінен адамдар келеді.

Кейінгі жылдары заман талабына байланысты шипажайдың қызмет аясы кеңейтіліп, оңалту-сауықтыру орталығына айналған. Мұнда де-малушылармен қатар инфаркт, инсульт алғандар, жүйке жүйесі бұзылғандар және әртүрлі са-наттағы мүгедектердің емделіп, сауығуына жағдайлар жасалған. Бұл үшін дәрігерлер, мейірбике-  лер қайта біліктілігін арттыру курстарынан өтіп, білімдерін кө-терген. Орталық соңғы жылдары шыққан жаңа медициналық жаб-дықтармен, құрылғылармен қам- тылған. Медицина мамандары оларды меңгеріп, күнделікті қол-данып, емделушілердің сауығып кетуі үшін жұмыс жүргізуде.

Орталықта емделушілерге са-палы медициналық қызмет көрсетіп, жұрттың алғысына бөленіп жүрген ақ халаттылар аз емес. Солардың бірі – Жансая Ергеш. Жансая мектеп қабырғасында оқып жүр-генде-ақ, медицина маманы болуды алдына мақсат етіп қойған еді. Сол арманына жету үшін жақсы оқыды. Әсіресе ол химия-биология пән-деріне қызығушылық танытып, мектепте, ауданда өткен ғылыми жоба, пәндік олимпиадаларға бел-сене қатысып, білімдерін одан әрі жетілдірді.

Ленгір қаласындағы №1 орта мектебінің 9-сыныбын бітірген соң, Ленгір қаласындағы медициналық колледжге құжатын тапсырып, ба-ғын сынады. Тиісті сынақтардан мүдірмей өтіп, жалпы мейірбике мамандығы бойынша оқуға түсті. Сөйтіп, алдына қойған мақсатына жету үшін күні-түні бас алмай оқыды, ізденді. Оқытушылардың дәрісін зердесіне тоқыды. Ауру-ханаларда іс-тәжірибеден өтіп шыңдалды. Адам психологиясын зерттеп, оларды емдеудің жол-дарын үйренді.

2018 жылы мейірбике маман-дығын алып шықты. Тұрмысқа шығып, бала күтіміне байланысты біраз жыл декреттік демалыста болды. 2023 жылдан бері Бір-көліктегі оңалту-сауықтыру орта- лығына мамандығы бойынша жұмысқа орналасады. Алғашқы жылдары физкабинетте, ваннада, ингаляцияда, парафинде т.б. ка-бинеттерде емделушілерге қызмет көрсетеді. Осы бір қағылез, мейі-рімді, инабатты, өз мамандығының ыстық-суығына берілген мейірбике емделушілерге мінсіз қызмет көр-сетіп, олардың сүйіспеншілігіне кенеліп келеді. Медицина маманы үшін одан артық сый-құрмет бар ма?

Сауықтыру орталығының әкім-шілігі Жансаяны жолдамамен Шымкенттегі медколледждің білімін жетілдіру курсына оқуға жіберіп, онда ол жаңа шыққан медициналық құрылғылардың қолдану тәсілдерін үйреніп қайтады.

Бүгінде Жансая ДДТ, электро-форез кабинетінде жұмыс істеп, пациенттерге қызмет көрсетіп жүр. Бұл құрылғылар отадан жаңа шыққан емделушілердің аяқ, бал-тыр, тізедегі, мойын омыртқадағы ісіктерін азайтуға, жүйке жүйесін қалпына келтіруге, тыныштандыруға көмегін тигізеді.

Осындағы Жансая секілді ондаған медицина қызметкерлерінің сапалы қызмет көрсетуі арқасында орта-лықтың абырой-беделі көтеріліп, атақ-даңқы елімізге танылды. Соңғы жылдары еліміздің түкпір-түкпірінен осында емделіп демалуға тілек білдірушілер қатары көбейіп келеді.

Жансая Ергеш күйеуі Абзал Сейітқазы екеуі екі ұл тәрбиелеп өсіріп отыр. Екеуі де мектепке барады. Балаларынан: «үлкейгенде кім боласың?», – дегендерге: – «Мамам секілді медик боламын», – дейді. Өйткені олар үшін мамасынан артық ешкім жоқ.

 

К.ЕЛІКБАЕВ.