Аудан әкімі Е.Әлімқұловтың өкімімен «Қазақстан Республикасының мемлекеттік қызметі туралы» ҚР Заңы 28-бабының 1 және 30-бабының 1-тармағына сәйкес Бауыржан ҚАЙРАТҰЛЫ 2025 жылғы 1 сәуірде Төлеби ауданы әкімінің орынбасары қызметіне тағайындалды.
Ол 1991 жылы 13 сәуірде Шымкент қаласында дүниеге келген. Ұлты қазақ, білімі жоғары. 2013 жылы АҚШ-тағы Пердью университетін, 2015 жылы Қазақ экономика, қаржы және халықаралық сауда университетін статистика, мемлекеттік және жергілікті басқару мамандықтары бойынша бітірген.
Еңбек жолын 2014 жылы маусымда ҚР Экономика және бюджеттік жоспарлау министрлігі Бюджет саясаты департаменті бас сарапшысының міндетін атқарушы болып бастаған. 2015-2016 жылдары Шымкент қаласындағы «Дара жылу қуаты» ЖШС-ның экономисті, 2016-2021 жылдары ҚР Мемлекеттік қызмет істері министрлігі Стратегиялық әзірлеу және халықаралық бағдарламалар департаментінің бас сарапшысы, бас консультанты, 2021 жылдың қаңтарынан 2025 жылдың 30 наурызына дейін Астана қаласы Активтер және мемлекеттік сатып алу басқармасы басшысының орынбасары қызметтерін атқарған.
Ол аудандық кәсіпкерлік және ауыл шаруашылығы, жер қатынастары бөлімдерінің қызметін үйлестіретін болады.
«Төлеби-ақпарат».
