Тырнақалды туындылары «Төлеби туы» газетінде жарияланған түлегіміз, қаламы ұшталып тәлім алған ақын жерлесіміз Қанат Каналұлы Сапарбаевтың қазақ және әлем әдебиетінің аллитерация заңдылығына сай жазылған 1091 жолдан тұратын «Марал ишан» дастанының әрбір жолын кілең «Ж» әріпімен жазып, КИнЭС–2025 Қазақстандық рекордтар кітабының кейіпкері атанғаны үшін негізгі куәлік – сертификат (суретте) берілді. Кітап Қазақстан мұсылмандары діни басқармасының бас мүфтиі Наурызбай қажы Тағанұлының алғысөзімен жарық көрген.
Қ.Сапарбаев Астана қаласында Қазақстан Республикасы Президенті саясаты мен Жолдауларын ақпарат арқылы насихаттайтын саяси-танымдық басылымның бас редакторы қызметін атқарады. «Марал ишан» дастаны (газеттің 6-бетінде) оқырманның бәріне бірдей қолжетімді болмағандықтан, газеттің осы санынан бастап толық мәтінін жариялап, жырсүйер қауымның назарына ұсынуды жөн көрдік.
«Төлеби туы» газетінің редакциясы.
